اللولب النحاسي

وسيلة منع الحمل التي بتتركب جوا الرحم

اللولب النحاسي هو جهاز صغير ومرن.1
غالبًا بيكون على شكل حرف "T" ومتغلف بالنحاس بيتركب جوا الرحم ودكتورك هو اللي بيركبه.2

اللولب النحاسي

وسيلة منع الحمل التي بتتركب جوا الرحم

اللولب النحاسي هو جهاز صغير ومرن.
غالبًا بيكون على شكل حرف "T" ومتغلف بالنحاس بيتركب جوا الرحم ودكتورك هو اللي بيركبه.

المدّة 

<٥-١٠
سنوات

حسب النوع

الفوائد

مفعول طويل3

ممكن يتشال لو عندك الرغبة في إنك تحملي3

 

    طريقة الاستخدام

    هو جهاز فعاليته عالية، حجمه صغير، على شكل حرف "T"، بيحتوي على خيط نحاسي أو أسطوانات نحاسية، بيتركب في الرحم والدكتور هو اللي بيركبه.2

    اللولب النحاسي بيُطلق أيونات نحاسية واللي بتمنع حركة الحيوانات المنوية وبتصعب من حركتها جوا الرحم، لكنها مش بتمنع المبيضين من تكوين بويضة كل شهر.1

    في الحالات النادرة اللي ممكن يمر فيها حيوان منوي، اللولب النحاسي بيمنع البويضة المُخصَبة من غرس نفسها في البطانة.1

    بمجرد تركيب اللولب النحاسي جوا الرحم، ممكن يفضل في مكانه لمدة ممكن توصل لـ ٥ أو ١٠ سنين أو لحد ما تقرري تشيليه.2

    لو وصلتي أو عديتي الأربعين خلال استخدام اللولب النحاسي، فعَّاليته هتفضل مستمرة لحد ما توصلي لفترة انقطاع الدورة، لما ميبقاش فيه ضرورة لاستخدام وسيلة منع الحمل.2

    Intrauterine Device - IUD - Barrier Method

    Adapted from Reference 4

    Adapted from Reference 4

    كيفية الاستخدام

    بمجرد ما الدكتور يتأكد إن اللولب النحاسي هو الوسيلة المناسبة ليكي بناءً على تاريخك الطبي وإنك قررتي تستخدميه، الباقي هيكون سهل.2

    اللولب النحاسي بيتركب جوا الرحم في أي وقت من الدورة الشهرية والدكتور هو اللي بيركبه بعد ما يتأكد إنك مش حامل. اللولب بيفضل في مكانه لمدة ٥ لـ ١٠ سنين حسب نوعه. أكيد تقدري تغيري رأيك في أي وقت وتشيليه، والدكتور برضو هو اللي هيشيله وبكل بساطة.2

    التأثير المانع للحمل بتاع اللولب بينتهي بسرعة بعد ما بيتشال، وساعتها ممكن تحملي بشكل طبيعي، زي الستات اللي مش بتستخدم أي وسيلة من وسائل منع الحمل. 5

    يعتبر اللولب النحاسي وسيلة فعاليتها عالية، لكنه مش مناسب لكل الستات. عشان كده، لازم تكوني متأكدة إن الوسيلة دي مناسبة ليكي، استشيري الدكتور قبلها عشان تعرفي الوسيلة المناسبة ليكي.3

    إيجابيات اللولب النحاسي

    • من فوائد اللولب النحاسي إنه ممكن يستخدم أثناء الرضاعة الطبيعية.2
    • مناسب للستات اللي عايزة وسيلة منع حمل مفعولها طويل، قابلة للإزالة وفاعليتها بتستمر لمدة ممكن توصل لـ ٥ أو ١٠ سنين، ومش عايزين يستخدموا الأنظمة اليومية أو الأسبوعية أو الشهرية .5
    • آمن للاستخدام مع الأمراض زي ارتفاع ضغط الدم أو السكر، ده غير إنه مش بيتعارض مع الأدوية زي أدوية الضغط والسكر.5
    • مفيش أعراض جانبية هرمونية زي حَبْ الشباب، أو الصداع، أو انتفاخ الثدي.2
    • بيفضل في مكانه لمدة ٥ أو ١٠ سنين، وممكن الدكتور يشيلو في أي وقت.3
    • ممكن تحملي مجرد ما طبيبك يشيل اللولب النحاسي.5
    Pros

    سلبيات اللولب النحاسي

    • بعض الستات ممكن تحس بالألم، أو التقلصات، أو دوخة أثناء تركيب اللولب النحاسي ولما تيجي تشيله عند الدكتور.2
    • احتمال كبير يحصل زيادة في فقدان الدم كل شهر. وده عادةً بيكون بسبب زيادة مدة الدورة الشهرية وغزارتها، بالإضافة للإحساس بتقلصات وآلام أثناء الدورة الشهرية. وده ممكن يتحسن بعد كام شهر.3
    Cons

    الأسئلة الشائعة

      تركيب اللولب في العادة بياخد حوالي ٥ دقايق. بس عملية تركيبه ممكن تكون مزعجة أو مؤلمة لبعض الستات وممكن تضطري تاخدي مخدر موضعي، بس الدكتور هيبقى يقولك قبلها.5

      ممكن تحسي بألم شبه ألم الدورة الشهرية ويبقى فيه نزيف خفيف لمدة أيام قليلة بعد تركيب اللولب. ممكن الأدوية تساعد في تسكين الألم ده.5

      في العادة، جوزك مش هيحس بخيوط اللولب أثناء ممارسة العلاقة الحميمة، بس من وقت للتاني بعض الأشخاص بيقولوا إنهم بيحسوا بيها. لو الخيوط بتزعجك أنتي أو جوزك، استشيري الممرضة أو الدكتور - ممكن يعرفوا يقصوا الخيوط عشان متبقاش ظاهرة. عادةً، خيوط اللولب بتلين بمرور الوقت، فهي ممكن ماتزعجش جوزك بعد فترة من الوقت.7

      قبل تركيب اللولب، الدكتور هيفحص المهبل من جوا عشان يتأكد من حالة الرحم وحجمه، بس مستبعد جدًا إن اللولب يخرج. لكن لو ماحستيش بخيوط اللولب أو حاسة إنه اتحرك، ممكن متكونيش محمية من الحمل. لو معملتيش فحص للّولب، زوري الدكتور فورًا واستخدمي وسائل منع الحمل الإضافية، زي الواقي الذكري لحد ما تعملي الفحص.2

      اه طبعًا، استخدام السدادات القطنية آمن. حاولي بس ماتشديش خيوط اللولب لما تشيلي السدادات القطنية.5

      ممكن تتوقعي وجود بعض قطرات الدم أو النزيف بعد تركيب اللولب علي طول . ممكن النزيف يستمر لمده شهر بعد التركيب و ممكن تلاقي تغيرات في الدوره الشهريه زي انها تكون أطول أو غزيره أكتر أو غير منتظمه. ممكن كمان تحسي ببعض التقلصات و الألم خلال الدوره الشهريه.1

      ممكن اللولب النحاسي يفضل متركب في مكانه لمدة ٥ لـ ١٠ سنين، على حسب نوعه. بعد ما تعدي الفترة دي، لازم يتشال عند الدكتور ويتركب مكانه لولب جديد. لو وسيلة منع الحمل دي نجحت معاكي وبشكل كويس ولسه عايزة وسيلة منع حمل على المدى الطويل، تقدري تناقشي الاستمرار في استخدام الوسيلة دي مع الدكتور.8

      ممكن الستات اللي اتركبلهم اللولب النحاسي يتعرضوا لزيادة في مدة تدفق الدورة الشهرية وغزارتها وممكن تكون مؤلمة أكتر، بس ممكن الأعراض دي تتحسن بعد شوية شهور.2

      عمومًا، الستات اللي ماخلفوش يقدروا يستخدموا اللولب النحاسي، بس لازم يفهموا إن اللولب النحاسي هيبقى عُرضة أكتر إنه يخرج من الرحم لإن الرحم ممكن يكون أصغر من رحم الستات اللي خلفوا قبل كده.1

      اللولب النحاسي مش بيتنقل لأي جزء تاني من الجسم. في الوضع الطبيعي، اللولب النحاسي بيكون جوا الرحم. في بعض الحالات النادرة، ممكن اللولب النحاسي يعدي جدار الرحم ويتنقل لتجويف البطن. وده ممكن يحصل بسبب غلطة أثناء تركيب اللولب.1

      الستات اللي بتجيلهم الدورة الشهرية ممكن يركبوا اللولب النحاسي في أي وقت في الشهر لو كانوا متأكدين بنسبة كبيرة أنهم مش حامل. ممكن تركيب اللولب النحاسي خلال الدورة الشهرية يكون مناسب لإن احتمال ماتكونش الست حامل خلال الفترة دي، وكمان ممكن يكون تركيب اللولب أسهل. بس مش سهل إن علامات العدوى تكون ظاهرة خلال الدورة الشهرية.1

      اللولب ليه نوعين أساسيين، والاتنين دايمًا بيتركبوا في الرحم، بس النوعين آلية عملهم ومدة وضعهم بتختلف.3

      اللولب الهرموني بيمنع الحمل عن طريق إطلاق جرعة منخفضة من هرمون البروجستين بصورة مستمرة. وحسب نوع اللولب، ممكن يفضل في الرحم لمدة من ٣-٥ سنين.9

      أما بالنسبة للّولب الرحمي، المعروف باللولب النحاسي، آلية عمله بتتلخص في إن أيونات النحاس بتتداخل مع حركة الحيوانات المنوية وبتمنع البويضات المخصبة من الانغراس في الرحم.2

      الوسيلتين ممكن تتخلصي منهم عند الرغبة في الحمل، بمعنى إنك ممكن تشيلي اللولب عند الدكتور وقت ما تقرري.9

      لا، الست ممكن تحمل تاني بمجرد ما تشيل اللولب النحاسي بنفس سرعة الست اللي مش بتستخدم اللولب، وده بالرغم من أن الخصوبة بتقل مع تقدم السن. مفيش إثبات من الدراسات والأبحاث إن فيه احتمالية كبيرة للإصابة بالعقم بالنسبة للستات اللي استخدموا اللولب النحاسي، بما فيهم الشابات والستات اللي مش عندهم أطفال. رغم كده، لو الست اتصابت بمرض التهاب الحوض وماتعالجتش، هيكون فيه احتمالية إنها تُصاب بالعقم، سواء كانت بتستخدم اللولب النحاسي أو مش بتستخدمه.1

      اللولب النحاسي، هو جهاز صغير على شكل حرف "T" بيتركب في الرحم والدكتور هو اللي مسئول عن تركيبه.2

      اللولب النحاسي بيُطلق أيونات نحاسية واللي بتمنع الحمل عن طريق إنها: ١) بتصعب من حركة الحيوانات المنوية و٢) بتمنع استقرار البويضات المُخَصَّبة في الرحم.3

      بمجرد تركيب اللولب النحاسي، ممكن يفضل في مكانه لمدة من ٥ لـ ١٠ سنين (حسب نوع اللولب اللي انتي اختارتيه)، أو حتى لحد ما تقرري تشيليه.2

      المراجع:

      1-Copper-Bearing Intrauterine Device. Available at : Reference  Last accessed: (11/7/2021).

      2-NHS. Intrauterine device (IUD). Available at: Reference  Last Accessed: (11/7/2021).

      3-Family Planning. INTRA UTERINE DEVICE (IUD). Available at : Reference  Last Accessed: (11/7/2021).

      4-American Family Physician . Insertion and Removal of Intrauterine Devices. Available at : Reference  Last Accessed :16/11/2021.

      5-SexWise. IUD (Intrauterine device). Available at : Reference  Last Accessed: (11/7/2021).

      6-SexWise. your guide to the IUD. Available at: Reference  Last Accessed: (11/7/2021).

      7-Planned Parenthood.Can a guy feel an IUD during sex? Can you get an IUD without parent permission , Available at : Reference  Last Accessed :5/9/2021

      8-NHS. Advice to Intrauterine device (IUD) users. Available at: Reference  Last Accessed: (11/7/2021).

      9-NHS. IUS. Available at: Reference  Last Accessed: (11/7/2021).

      The Pill QR

      WF0087A832/122021
      05/12/2022
      PP-PF-WHC-EG-0033-1

      بدعم من

      اتحاد شركاء دوليين مهتمين بالصحة الجنسية والإنجابية