إي هو الحيض (الطمث)؟
المفروض تعرفي آليات ظاهرة الحيض عشان تفهمي كويس طبيعة الاختلافات المحتملة في مدة الدورة الشهرية، ومواعید الدورة الشھریة المنتظمة، ولماذا تحدث الدورة الشهرية. الحيض (الطمث) - واسمه برده الدورة الشهرية - وهو عبارة عن "نزيف مهبلي طبيعي بيحصل كجزء من الدورة الشهرية عند المرأة". خلال الدورة، بيستعد الجسم لإن ممكن يحصل حمل. ولو محصلش حمل، بتتمزق بطانة الرحم "المهيئة" وبتنزل من خلال المهبل. بتتحسب الدورة من يوم حدوث النزيف (أول يوم من الدورة) لحد اليوم اللي قبل حدوث النزيف التالي.
إي هي مدة الدورة الشھریة الطبیعیة؟
كلمة حيض نفسها، اللي معناها بالإنجليزي "menstruation"، جذر لاتيني مشتق من كلمة "menstruus" اللي معناها "شهري" — بس برده يبدو إن المدة غامضة لأن طول مدة الدورة الشهرية الدقيق وتكرارها بيعتمد على عوامل كتير داخلية وخارجية.
طيب إي هي مواعید الدورة الشھریة الطبیعیة؟ عمومًا، الدورة الشهرية بتحصل كل 21 إلى 35 يومًا، وعدد أيامها بيكون من يومين إلى 7 أيام — وبكده فرق الوقت كبير أوي. المدهش إن بيحصل شوية تغيرات ملحوظة في الدورة بمرور الوقت - مع إن بيتقال إن تدفق دم الحيض بيكون أطول في السنوات الأولى بعد الدورة الأولى، بس الدورة الشهرية غالبًا ما بتكون أقصر ومنتظمة أكتر مع تقدم السن وبتبدأ تكون مش منتظمة إلى حدٍ ما قبل انقطاع الطمث.
إي اللي المفروض ننتبه ليه؟
بما أن جسم كل شخص فريد من نوعه، فبكده ما يُعد "طبيعيًا" ممكن يختلف من شخص للتاني إلى حدٍ ما على الأقل. وموقع مايو كلينيك بيقول في النقطة دي الآتي:
دورتك الشهرية ممكن تكون منتظمة -يعني طول مدة الدورة الشھریة بيكون تقريبًا هو نفسه كل شهر - أو ممكن تكون مش منتظمة إلى حدٍ ما، وممكن يكون دم الحيض خفيف أو غزير، وممكن تكون مؤلمة أو مش مؤلمة، وممكن تكون مدتها طويلة أو قصيرة، وكل ده بيُعتبر أمر طبيعي. يعني عمومًا، "الطبيعي" هو الطبيعي بالنسبالك.
وبالرغم من كده، من المهم دايمًا استشارة متخصص لو حصل تغيرات كبيرة في الدورة، عشان التغيرات دي ممكن تكون أعراض لبعض المشكلات الأخطر . ولو كان من الوارد حدوث شوية اختلالات نتيجة لأسباب مش ضارة للدرجة وسهل علاجها (زي التوتر، أو استخدام بعض وسائل منع الحمل، أو عمل تمارين رياضية كتير)، بس ده ممكن يكون مؤشر على وجود السلائل الرحمية، أو الأورام الليفية، أو غياب التبويض، أو حالات العدوى المختلفة، أو حتى الأورام . وبتشتمل الاختلالات اللي المفروض ننتبه ليها بالأخص على الآتي:
• نزول الدورة بعد أقل من 21 يوم أو أكثر من 38 يوم،
• حصول نزيف بين الدورات المتتالية،
• إن بعض الدورات متحصلش،
• النزيف الغزير (اللي بيكون محتاج تغيير الفوطة الصحية كل ساعتين أو أقل).
عمومًا، بتتأثر مدة الدورة الشهرية بعوامل كتير، وممكن في العادي نعتبر بعض الاختلالات البسيطة إنها دورة شھریة طبیعیة - بس لو حصل إن أي حاجة بقت مصدر قلق أو تخليكي تشكي، فالأحسن ليكي إنك تستشيري متخصص.
References :
1-The Women's . Emergency contraception or the morning after pill. Available at : https://www.thewomens.org.au/health-information/contraception/emergency-contraception , Last Accessed :(6/7/2021)
2- NHS . How effective is emergency contraception? . Available at : https://www.nhs.uk/conditions/contraception/how-effective-emergency-contraception/ , Last Accessed :(7/6/2021).
3-NHS . Doing a pregnancy test . Available at : https://www.nhs.uk/pregnancy/trying-for-a-baby/doing-a-pregnancy-test/ , Last Accessed :(7/6/2021) .
WF0087A1272/122021
28/12/2022
PP-PF-WHC-EG-0063-1
